వృథాగా పోతున్న మిషన్ భగీరథ నీళ్లు

వృథాగా పోతున్న మిషన్ భగీరథ నీళ్లు.. పట్టించుకోని అధికారులు
పరిశీలననే తప్ప పరిష్కారం శూన్యం
అధికారుల తీరుపై మండిపడుతున్న ప్రజలు
అధికారులు స్పందించి మిషన్ భగీరథ పైప్ లీకేజీ మరమ్మతు పనులు చేపట్టాలని వేడుకోలు..
( నందిగామ, ఫిబ్రవరి 14 (ప్రజాకలం):
మండల కేంద్రమైన నందిగామ గ్రామంలో హకీమ్ కిరణం ఎదుట మిషన్ భగీరథ పైపు లీక్ అయ్యి గత నెల రోజుకుగా నీళ్లు వృథాగా పోతున్నాయి.ఊరు మధ్యలో రోడ్డుపై నీరు ఏరులై పారుతున్న సంబంధిత అధికారులు నిమ్మకు నీరెత్తినట్లు వ్యవహరిస్తున్నారు.
మిషన్ భగీరథ అధికారులు పట్టించుకోకపోవడం పై గ్రామ ప్రజలు మండిపడుతున్నారు. స్వచ్ఛమైన త్రాగు నీరు ఏరులై పరుతూ కాలనీ వాసులు రాక పోకలకు ఇబ్బంధులకు గురిచేస్తున్న ప్రజల కష్టాలు పంచాయతీ సిబ్బందికి కానరావడం లేదని ఆవేదన వ్యక్తం చేస్తున్నారు.నెల రోజుల నుండి నీరు వృథాగా పోతున్న అటు మిషన్ భగీరథ అధికారులు ,ఇటు పంచాయతీ అధికారులకు కానరావడం లేదా అని ప్రశ్నిస్తున్నారు.భగీరథ పైప్ లికేజ్ సమస్యను పలు మార్లు పంచాయతీ సెక్రటరీ దృష్టికి,మాజీ ప్రజా ప్రతినిధుల దృష్టికి తీసుకెళ్లిన ఫలితం లేదని
అధికారులకు ఎన్నిసార్లు ఫోన్ చేసినా స్పందించడం లేదని వాపోయారు. ఓ వైపు గ్రామాల్లో నీటి కొరతతో ప్రజలు ఇబ్బందులు పడుతుంటే ఇలా నీటిని వృథా చేయడమేంటని ప్రశ్నస్తున్నారు.
మండలంలో మిషన్ భగీరథ నీరు రాక మహిళలు బిందెలు తీసుకొని నిరసన తెలిపే పరిస్థితులు ఏర్పడ్డాయని ఆవేదన వ్యక్తం చేస్తున్నారు. మిషన్ భగీరథ అధికారులు ఇప్పటికైనా స్పందించి మరమ్మతులు చేపట్టాలని గ్రామ ప్రజలు డిమాండ్ చేస్తున్నారు.